• Часы работы: пн - пт: с 8:00 до 17:00
  • +998 76-22-1-49-71 Biz bilan bog'laning
  • info@yagona-buyurtmachi.uz Bizga yozing
  • Surxondaryo viloyati Termiz shahri Navbog' 5 Bizning manzil
 Prezident qurilish loyihalarini ko’zdan kechirdi

Prezident qurilish loyihalarini ko’zdan kechirdi

Prezident Shavkat Mirziyoev Farg’ona shahri Tarona ko’chasida qurilgan 16 qavatli yangi uy-joylarni borib ko’rdi.

Ma’lumki, Farg’ona mamlakatimizning aholi eng zich joylashgan shaharlaridan. Shu bois bu kabi zamonaviy ko’p qavatli uylar aholining o’sib borayotgan talabini qondirishda muhim ahamiyat kasb etadi.

Xususan, mazkur 2 ta 16 qavatli uyni qurish uchun 11 sotix er kifoya qildi. endi bu erda 160 ta oila yashaydi. Xonadonlarning bir qismi ijtimoiy himoyaga muhtojlarga topshiriladi.

Qurilishda seysmologiya va zamonaviy arxitektura talablariga alohida e’tibor berilgan. energiya tejovchi, sifatli materiallardan foydalanilgan. Uylarning yonida bolalar o’yin maydonchasi, mashinalar turargohi bor. 420 o’rinli maktab barpo etilgan. 380 o’rinli bolalar bog’chasi qurilmoqda.

Davlatimiz rahbari Farg’ona tumani Ilg’or mahallasiga borib, ichki yo’llarni arzon qurishga oid andozalarni ko’zdan kechirdi.

Yurtimizda 39 ming kilometrga yaqin ichki yo’llar tuproqli. Ilgari qurilgan ko’chalarning ham ko’pi o’ydim-chuqur bo’lib, yaroqsiz holga kelgan. Ushbu barcha yo’llarga asfal`t yotqizish juda qimmatga tushadi.

Shu bois qum-shag’al, ohak tosh, chaqiq tosh, tsement kabi mahalliy materiallar aralashmasidan 5 xil qoplama varianti tayyorlangan.

Shavkat Mirziyoev ushbu namunalarni ko’zdan kechirdi. Soha mutaxassislari yo’l qoplamalarining tarkibi, tannarxi, sifati bo’yicha ma’lumot berdi.

Prezident bu ishlanmalarni qo’llab-quvvatlab, ularni muhandislik jihatidan takomillashtirish, xomashyo zaxiralari va zarur texnikalarni aniq hisob-kitob qilib, eng ma’qulini tanlash kerakligini ta’kidladi.

Manba: iiv.uz